中大書院懶人包指南
都入得大學，希望大家學下自己做research
上網了解左下各個college先
除左上官方網頁，仲可以google
要問野既，請言之有物
你可以問，如果我想join多d書院活動既，UC定CC好
但唔好入黎擺低一句NA好定UC好
無人知你想要咩，好難答到你條問題
2. 中大書院制簡介
你當中大書院制係哈利波特入面既書院制就得架喇
中大行全民書院制，教職員同學生都會被分配去唔同書院
最主要既影響你需要住返你所屬書院既宿舍
如果你係NA，你係住唔到CC既宿
仲有書院活動、exchange、scholarship等，詳見下面
總共有九個college
http://www.cuhk.edu.hk/chinese/college/system.html
崇基 新亞 聯合 逸夫 善衡 晨興 和聲 伍宜孫 敬文
CC NA UC SC SHHO MC WS WYS CW
3. 揀書院程序
程序如下：
你係JUPAS收到中大offer -> accept the offer
佢就會send email俾你叫你填preference form，會有deadline日期
係deadline之前一定要填好submit埋
https://www.adm.cuhk.edu.hk/adm_college_pref/public/college_pref_applicant_login.aspx
大部份學生都要將九院排 preference 但係某d學系既學生係無得揀college既
例如：Fine arts, Anthro既一入黎已經係新亞既學生，music就係cc
中大會確保唔同學系既人平均分佈係唔同書院
所以揀書院就如戴分類帽，每個college對每個系都有一個quota
Eg. 善衡畀英文系有10個quota（個數亂吹的）
但英文系得8個人揀，咁就個個都入到
但如果多於10個，就有人入唔到啦
佢會consider你既preference，但佢鍾意派你去邊都得
有人入到1st choice，我自己係入左2nd choice既，有朋友3，4，5
最desperate既case都聽過，就係入左last choice
注：新書院因為細，擺頭既人數亦都比較少
所以亦有capacity去同報既freshmen做interview
interview黎講，善衡、晨興同敬文係過五關斬六將式
先填form再interview
(SHHO group in, MC 同院長一對一，敬文就同其中一個大粒野一對一)
伍宜孫同和聲就group例牌in，主要睇下有冇特別適合書院既人
**呢度有樣野必須提大家，但凡你新書院擺第二既話
而如果間新書院決定收你，大學就會打電話問你調轉唔轉第一第二preference
不過點都好，入左就係入左，你無得唔接受
所以揀書院個陣要有心理準備
世事唔係咁易如你所願，因為唔係你揀乜就入乜
交完form都係聽天由命
但要諗清楚揀咩college，好好填form
千祈唔好入左1st choice但之後後悔莫及
之後你可以選擇玩唔玩大O （即係書院ocamp）
想報既，可以返去交online form
4. 書院簡介
中大共有九個書院，之前只得四大舊書院（CC NA UC SHAW）
當然，歷史耐，相對多d傳統活動，院慶個d都搞得比較大
近年隨住學生多左，加左五個新既
雖然無咁多年history，但係自由度相對大d
家家有求，請諗清楚自己想要d咩黎揀college喇。
A. 地理位置
要了解各大書院地理位置，首先睇睇中大地圖
http://www.cuhk.edu.hk/chinese/documents/campus/cuhk-campus-map.pdf
九院同佢地既宿會各自分佈係中大唔同既地方
地理位置有咩咁重要？
係屋企返中大返宿，當然係山腳最方面
返學既話，好睇你個系平時係邊上堂，想知既可以係度問下
理學院通常係本部
商學院多數係山腳
Fine Arts, 人類學, Journal係NA
GPA係UC等等
其實中大有校巴，去邊都好方便，不過都要考慮下
方唔方便只係一個相對既概念
如果你所有堂都CC上（山腳）但你住NA（山頂），就會有d搵自己笨喇
有人想一訓醒行出去就到上堂既地方
亦有人唔想終日困係同一個地方
B. Assembly、書通、STOT、FYP
Assembly，每個書院係學期之間都會舉行周會
同學係一定要上，要嘟學生證計attendance
有d college既assembly會請d 好正既人黎講talk
有d college既assembly係廢既
書院通識（簡稱書通）都係必修
係三四年入面，你要讀4－6cred既書通
有d college書通要學生讀返書院history、理念等
有d 就係得意既學術course，都值得留意
STOT「學生為本教學課程」 之導修形式可為討論、口述報告、辯論，或其他可鼓勵學生多發言的方式, FYP(Final year project)
C. 宿及hall life
相信宿係大家最concern既部份
多數書院都係跟你住咩地區、住公屋定私樓、屋企幾大、人均面積黎計分
你住得越遠，屋企越舊越細就越高宿分
宿分制原意係俾有需要既同學住先
但係隨住DSE+AL double cohort，宿位緊張
係舊書院唔少住得唔算近既同學都冇宿（e.g. 青衣都無宿 ）
所以必宿既某幾個新書院，又成為左另一考慮
宿分計法個個college唔同，分數高低冇得相互比較
真係想知自己有冇機會有宿既話，自己計一計
上返書院網頁（下面有）-> 再禁入去宿舍個頁 -> 搵返計宿分既表
搵埋上年yr1同今年yr2 or above cut-off 分數
對應一下，大概會知自己易唔易住到
距離cut-off 十分以內都有機會wait到
因為會有人quit宿同埋去exchange之類
如果year 1 成功有宿位，又想year 2 一定有得住既
可以考慮上宿生會莊，yr2就會必宿
入左黎之後，想提高宿分既可以上莊，唔同莊加既分唔同
某d莊既大post會係必宿（例如學生會會長、電台台長等）
另外I-house（國際生舍堂）都有quota畀local住，每個college都有quota
不過通常係僅僅meet到cut-off既人先會住
hall life：
某d書院既hall係比較摺，或者摺唔摺都得
有d書院既hall life係好多姿多彩，玩足一個sem
想摺讀、想玩既，要小心選擇
不過中大所有宿都係，你入左chur宿都好，如果你真係想摺，唔會有人逼你
D. 船 (Scholarship)
criteria多數係：GPA、同學家庭需要、對書院contribution、對社會contribution
有d書院係零舍有米，不過你GPA唔夠高既話，一樣冇用
有d就窮到你GPA爆四都係得個吉，反而參加得多書院活動有著數
E. 活動
院慶、體育比賽、歌唱比賽、大O等等
院慶即係書院生日，絕對係書院大事，會有千人宴、大撻地（有野食有野買）等
有d書院係好多活動，凝聚到一大班學生，你玩就可以識到好多朋友
有d就比較摺d，入呢d college就可以不問世事喇
F. 院隊
書院各自會有唔同運動既院隊
運動人可以留意一下
G. Exchange
每書院都會有exchange報，去既大學因唔同書院而異
但中大仲有一個OAL可報exchange，所以都唔一定跟書院
崇基學院 Chung Chi College (CC)
http://www.ccc.cuhk.edu.hk/
CC係大書院，歷史都比較耐，出名活動多，宿位多
如果鍾意有多D宿舍與宿舍之間既比賽，CC就岩晒你喇
A) 地理位置
CC係山腳，火車站一出就係
而且好近我地既飯堂－眾志堂,所以落去食飯食宵都十分方便
有時夜媽媽可以約埋三五知己行去沙田河度吹下水,劈下酒都幾好架
B. Assembly、書通、STOT、FYP
每1個SEM要上4個assembly
所以如果唔鍾意上assembly既巴絲,就最好唔好揀喇
書通方面,崇基既書通其實比較悶
FYP方面,係你FINAL YEAR既時候,你就要搵多3個唔同系既朋友仔一齊做一個FYP
題目方面其實自己定,唔好太誇張都會比你過.
由於要做書院FYP既關係,所以建議你地玩下大O,識多D崇基人
C. 宿及hall life
CC出名宿多，總共有十棟。
分別係(排名不分先後)
1.利樹培堂(新宿)(男女hall)
2.何善衡夫人宿舍(何宿)(男女hall)
3.五旬節會樓高座(五高)(男女hall)
4.五旬節會樓低座(五低)(女hall)
5.應林堂(男hall)
6.文質堂(女hall)
7.文林堂(男hall)
8.華蓮堂(女hall)
9.明華堂(男女hall)
10.神學樓(男女hall)
每一間宿舍都有佢地自己既風格
當中以新宿,何宿,五高最多人揀
男女宿🚻 ；
新宿(利樹培堂)
新宿正名為利樹培堂，係1993年建成，樓齡細( 對果時黎講 )，所以又名新宿。現時係一間男女宿，共有七 層，一至四樓係男層，五至七係女層。
優點:
1.揾家人?揾朋友?新宿全部都有😊
2.新宿出名多節目 。雖然間間宿都有節目，但係新宿既宿舍節目就真係多啦，唔怕講句幾乎日日都有節目有野玩。少至打機打牌打波運動，大至夜車夜話層聚，仲有宿生會搞既各項活動等等，永遠都有一大班人同你一齊fing。
3.新宿既宿生係玩得特別投入，特別出力，所以氣氛特別好。好到個個都唔捨得訓，玩到通頂食早餐啊。
4.新宿同其他宿最唔同既係有【層文化】，姐係每一層都有佢自己既特點同埋文化，氣氛。
係度會講講每一層既特色
天下第一樓( 一樓 )
一樓既人出名玩得夠顛夠放
忠2堂 ( 二樓）
忠2堂 ( 二樓 )*
出名好男人，個個都好體貼溫柔，二樓人才濟濟，大組長，SU P，崇慶P都有，勝在夠warm夠團結，氣氛好好架
三不館(三樓)
出名疊馬，鐘意成班人周圍玩。玩的咩？玩得好chur好放架。
四人幫(四樓)
四樓嘅人夠撐，係依度feel到有福同享同有難同當既真義 ( 當然係笑左先撐 )
五時花 ( 五樓 )
五時花出名賢良又温馨。五樓嘅姊妹入得廚房出得廳堂架。
六無雙 ( 六樓 )
玩得最放既女層，個個女仔都好健談，好鍾意玩同9fing
七囍 ( 七樓 )
要文靜有文靜，要sporty有sporty，係集合左唔同性格嘅女層。雖然性格喜好有唔同，但係個個都好夾架。
5.新宿而家裝修緊，開sem之後就會係全崇基最新最靚嘅宿舍😍😍😍
6.擁有全崇基最大嘅洗衣房，有10部洗衣機，落到洗衣房即刻有機洗衫，唔洗排隊
缺點:
1.可能會遲少少(ard 1 week)入宿(因為裝修)
~2~1.有時層嘅人可能會圍內玩，唔同層之間嘅connection比較少(只要參加多啲全宿活動就唔係問題😃)
2.得3部乾衣機，相比洗衣機少好多
五高(五旬節會樓高座)
優點:
1.設備算新
2.上本部方便
3.要摺既得,想玩既又得
缺點:
1.無其他舊宿咁多活動同文化傳承
2.離mtr較遠
何宿(何善衡夫人宿舍）
優點：
1.不夜城
你想幾點玩都總有人陪你係Lobby fing到食早餐
2.特大lobby
全崇基最大lobby 亦係宿生每晚聚集玩既地方
3.舍監幾型仔，仲係單身
缺點：
1.無lift
五層樓要行樓梯，四/五樓嘅宿生可能有啲辛苦(四樓同五樓係女層)🙊
明華堂
優點
1.出名家的感覺，氣氛温馨
2.Pantry夠大，設備齊全
缺點
1.牧師最憎人嘈，間房發出過大聲響會比人打蛇架(靜靜地就做乜都冇人理🤗🤤，而且牧師退左休)
2.洗衣機同乾衣機勁少，排隊有排排，長期供不應求
神樓
優點:
1.assembly方便
缺點:
2.上堂唔方便
-----------------------------
男宿🚹 ；
應林堂
優點:
1.濃厚兄弟情
2.唔打蛇
3.成日一齊做運動
4.舍監私底下好玩得架
缺點:
1.設備舊(2年前翻新過好左啲)
2.玩嘅野可能會超出你想像，需要時間適應(適應之後可能會發現其實幾好玩😎)
3.老鬼文化較重
4.住東Wing嘅人有種要投入宿舍，傳承傳統嘅責任(即使唔係宿生會)，會有少chur(如果住西Wing就可以隨時摺埋唔會有人騷擾)
文林堂
優點:
1. 房大
2. Brotherhood, 佢地好warm, 會一齊去食飯 打波 仲會一齊出車
3.每日7pm都會一齊去cc can溫馨飯聚
4.人少，基本上會識曬全宿嘅兄弟，好warm好似家庭咁
5.無階級(無老鬼同fm嘅分別)
缺點:
1. 比較遠, 係CC 唯一一間係中大出面既宿，上堂唔方便
------------------------------
女宿🚺
五低(五旬節會樓高座)
優點:
1.自由度大，可以好輕鬆摺埋冇人嘈，久唔久又可以同宿嘅fd子玩下宿舍活動
缺點:
1.比較摺，有時真係想揾人玩但係其他人讀緊書
文質堂
優點:
1.乾淨舒服(少蛇蟲鼠蟻)
2.姐姐nice
3.舍監超好人 會請野食同車我地去食野
4.hall既氣氛好warm，係最active最玩得嘅女宿
5.pantry好整潔
缺點:
1.打蛇好嚴
華連堂
優點:
1. 活動多嘅女宿之一, hallO, 糖水會, etc
2. 同文林係友宿 幾多聯hall活動, (eg 文華hallO, 中秋晚會, etc)
3. 自由度比較大 (唔想玩唔會chur你地玩)
4. 宿生之間關係好好, 會一齊煮飯仔
缺點:
1. 平日唔比男仔上房 只可以係lobby
2. 有部分宿生比較摺
3. 冇自動販賣機
4. 洗衫乾衫比較虧
D. 船
最多，最有米
E. 活動
傅盃- 全名傅元國盃 係一個宿舍與宿舍之間既比賽
分別有:足球,籃球,排球,乒乓球,羽毛球,牌藝,競技
舍音盃-以宿舍為單位既歌唱比賽
崇唱, 即係CC既singing contest
崇慶, 崇基院慶, 會有一連串既慶祝活動
F. 院隊
勁
G. Exchange
cc都好多exchange 去一年一個sem既都有
summer ge 都有
仲有SERVICE LEARNING 去左唔洗做fyp
新亞書院 New Asia College (NA)
http://www.na.cuhk.edu.hk/
新亞書院創校校長係錢穆，如果你連佢都唔識就幫你唔到
(即係2012 DSE作文卷入面果個錢先生)
著名於人文精神，「艱險我奮進，困乏我多情」就係出自新亞校歌喇
俾人印象係好有骨氣但係窮，書院精神仲維唔維持到就見仁見智喇
校友有余英時、小思、李天命、徐立之、方東昇、魏綺珊、森美(而我不知陳茂波是誰)等等
A) 地理位置
NA係山頂，係UC格離
搭校巴上去，十分鐘左右
係火車站只係兩架校巴會上NA
不過係大學本部上去都係十分鐘到
因為可以經MMW（蒙民偉樓）穿梭lift上去
但平時係山腳行上去係要起碼廿分鐘既
NA平時比較靜，因為教學樓唔多，環境都算清幽
最出名既當然係天人合一既靚景同埋知行櫻花（同埋貓）
B. Assembly、書通、STOT、FYP
Assembly：
每個sem去兩次
部分內容都叫做吸引 但有d悶到pk
書通(year 1 sem 1 讀)內容包括:
新亞精神，創校歷史，清末民初至八年抗戰史，中西方藝術，建築等
chur野黎而且grade唔多好
不過通識同中史叻的話會好少少
STOT(都係year 1 sem 1 ):
要同同college但唔同系既同學part project
workload唔大
但有d麻煩lecturer會限死project只可以做同佢教果科related ge topic
好唔好grade睇你好唔好彩
唔使做FYP
C. 宿及hall life
四棟宿共有宿位1165個
男宿有知行樓，大部分都係3人房
雖然話係男宿 但實際上係一棟男女宿
(因為唔打蛇/好少打蛇 我上年住左成年都冇打過)
女宿有學思樓
有女子監獄之難 男性動物禁止入內
要屈蛇比較鵑
間宿幾新
男女宿就有志文樓同紫霞樓
志文出名房細 同埋喺個斜坡隔離 有一邊完全無景
6層入面得最低果層係男層 其餘5層都係女層
得1樓係男仔住 所以佢地成層d人都好firm好好玩☺
但宿都幾舊幾殘🤢我住過
紫霞出名靚景 吐露港景一覽無遺
叫做係NA入面最多野玩既宿
但如果想帶女仔去宿或者打牌就小心d啦 叔公都幾嚴
新亞宿位都唔多，算得上係難住
不過有四年一宿
D. 船
NA歌詞有一句係"手空空 無一物"
所以雖然聽講其實幾叠水 但船都唔算多
d船唔係太睇GPA
相對上會睇financial needs多少少
即係話你屋企有幾窮，都算貫徹返書院精神
E. 活動
四個主要活動有:
院慶，書院生日會有千人宴，大達地等等
有新亞夜，新唱（歌唱比賽），同埋大O
F. 院隊
院隊第一樣最現實既野就係有宿分
院隊成員會有10分 (year two or above入宿只係要40分，都算加好多分)
院隊其實水平唔算太高 如果你覺得自己唔算太差又想要宿分既 可以一試
新亞書院既水平應該係4院中比較低既
我係新亞運動員聚餐個trophy list到睇到全部都係第3第4咁
我諗最易入都應該係新亞院隊
G. Exchange
有唔少係返大陸 亦都有去日本、美國ge
聯合書院 United College (UC)
http://www.uc.cuhk.edu.hk/?lang=zh
A. 地理位置
係山頂既中間，搭校巴上去十分鐘
係本部上去十分鐘，夾係shaw同NA之間
來往本部經LSK（李兆基樓）穿梭lift或UC梯
算係交通方便既一個college
落本部、去na、去shaw、搭車落山都好快
B. Assembly、書通、STOT
Assembly：
一個sem3次
不過UC assembly係全中大咁多college 最廢的
完全廢過中學的assembly，好浪費時間
好少可以有得著，有少少inspiring既又未必reg得到
想揀high table當assembly的話，每個sem得一次，而且好難reg
書通就yr1要讀2個學分，每堂唔同topic，天南地北都講，workload唔大的
然後都有1crd的「學術與書院生活系列」
包括書法course同品酒course之類，非必修
STOT：無
FYP：有
C. 宿及hall life
UC 共有一千二百八十六個宿位
總共有4棟宿，全為男女宿
分別係湯宿、伯宿、陳宿、恆生
有四年一宿，但yr1唔算太易住
yr2你住得唔近，有上莊都會住到
宿舍文化方面，uc都唔錯
各宿生會都會搞下活動之類，例如湯宿有每月一次大食會（月食）
如果你想摺讀/ 早訓甩 唔想玩都ok，唔會有人迫你
想玩的話都有唔同活動，同d人fing呀，春茗呀，院長盃呀咁
D. 船
UC船，不得不提第一代大學生獎學金
顧名思義，如果你係屋企第一個大學生就可以申請
基本上申請都有，$2500，但如果太多人apply就可能會因應成績、家庭經濟去決定
除左呢個，uc都有唔同的船，但唔易拎，而且成績要好好，窮是沒有用的
如果你唔係勁到屈晒機，你當uc無船啦
E. 活動
上sem有院慶 聯繽
下sem有歌唱比賽
F. Exchange
UC都算唔少exchange programme
有long-term（半年或一年），都有summer exchange
summer exchange都幾易成功，yr1睇dse成績，之後就睇gpa
而且多歐洲國家，唔會得大陸
gpa唔過3 都有得去歐洲國家
summer exchange有d可以豁免FYP
有d可以當幾個學分，有d就無，純粹去exchange
逸夫書院 Shaw College (SC)
http://www.shaw.cuhk.edu.hk/?lang=zh-TW
睇個名你都知係邊個fund呢間college啦
話說shaw係個好傳奇既書院
唔就腳，設施少，唔似其他college有教學樓，又無library
有好多人都係揀其他書院，入唔到先入左shaw
shaw好extreme，有人玩得好開心好YO，有人好憎shaw
有人鍾意玩，係shaw玩大o，各樣活動，玩得好開心
有人鬧爆shaw宿位少，船又無，聲言想炸左shaw佢
有人特登揀shaw，鍾意摺讀爆gpa，就係鍾意assembly少，書通好又無FYP
大家跟自己選擇去揀喇
A. 地理位置
shaw係四院互片既時候係俾人片過「返宿長征三千里」既
原因係佢係個角落，有d似個山谷
要返去必先落一條大斜
由本部上去，都係搭車吧啦，行上去既就三四個字到
由UC行過去就唔遠，大概十分鐘多d
雖然唔就腳，但教學日其實好多轉堂巴搭
去好多地方都好輕鬆 (你搭到既話)
B. Assembly、書通、STOT、FYP
assembly：
一個sem得三次，絕對唔算多
year2 或以上既，可以reg high table dinner
高質，岩岩呢年talk既講者有王維基、高志森、黃毓民、林超英等
仲會有書院drama society既performance睇等等
shaw書通：
出名係選擇多，高質素
例如有歐陽偉豪教粵語course，教填詞、粗口字等等，都算好玩
有李樂詩，分享遊歷世界既野（正野！！）
著名編劇莊梅岩教寫劇本，有劇團創辨人Hardy Tsoi 教drama course
註：唔洗驚，大家係唔洗入shaw上堂嘅
無STOT，又無FYP，其實真係非常爽既
C. 宿及hall life
shaw只得兩棟宿，就係國宿同二宿
國宿係校巴站格離，二宿就行遠少少
國宿 感覺上，宿d活動好玩得黎又唔會太chur要逼你玩
兩間宿唔會有咩敵對感覺 幾fd
當然如果想多活動多宿之間比賽個d就CC啦
設施方面，零食應該都好難有地方平得過國宿小賣
另外有電視，有線有波睇
有英式桌球台 乒乓波台 足球機
有幾個大pantry 入面有埋焗爐
仲有間唔大嘅摺讀房
宿位係比較緊張
岩岩2012 呢年year 1 宿分cut-off 42
2013 yr2 就去到72分，真係好高下
想知點計分可以參考以下條link
http://www.cuhk.edu.hk/shaw/hostel/files/Select_Method_12-13_Final_C.pdf
以第一年 舊四院黎講shaw係算易有得住
而第一年有得住係咁多年ulife中最重要 (有需要先再多講)
而且shaw d宿平日出入唔洗拍卡 自由d方便d 比較方便屈蛇
非宿生可以留到12點 亦係中大普遍黎講比較遲
D. 船
老實講shaw唔係窮 但比較少船
大船搵CC 細船就UC 窮向左走向右走船就NA
有心有力想爭船嘅就唔好揀shaw
但其本上好少人淨係睇scholarship而揀college
用船作為唯一因素 唔太全面
E. 活動
SHAW就有4大活動
1.SHAWLANE
2.院慶
3.shawsing
4.ocamp (大O)
四大活動
四大活動，唔一定要玩過大o先有得玩
只係得院慶分部係同ocamp比較大關係
shawlane分部係跟宿
shawsing就關係不大
但係就算你冇玩Ocamp，活動搞既時候佢地都好歡迎你去玩
絕對係好nice，雖然佢地本來有圈子，但好welcome新朋友
而且我識好多人都冇跟自己ocamp時大組玩都玩得好開心
所以大家唔好成日話人地小圈子
睇自己有冇心/能力去衝出自己圈子開拓新圈子俾自己
圈子方面，走讀一定比宿生輸蝕
呢個係邊個college都不變嘅定律
四大活動其他書院都有類似嘅
shaw算係搞得數一數二
shaw活動出名係盡興得黎又好玩，大家想玩活動既，
除左CC，NA之外可以考慮shaw
F. 院隊
賣點:
- 唔算太難入
- 報宿舍會加12分/薦宿 (?)
- 喺中大院際比賽贏咗嘅話會有錢收
成隊會瓜分$5000獎金(通常男女分開)
或者你哋會以為院隊校隊一定係sport science(SPE)班人玩曬
但係其實只要你識玩而又肯投入時間去練習嘅話
佢哋一定會好歡迎你嘅
如果以前讀中學嘅時候有入過校隊
而上到大學又想繼續玩嘅話
可以試下報院隊
遲啲會有email講選拔時間表
記得唔好一見mass mail就當係垃圾咁掉咗去
男女子田徑隊
想入隊首先要參加書院陸運會(應該係十月中)
就算唔係想入隊都可以玩 PE會加3分㗎
成績好有獎嘅話會有人叫你留低聯絡資料
佢哋會打電話問你有無興趣參加中大陸運會
(大約係十一月中 以前叫四院賽 而家唔知啦)
每個項目會出兩個人 只要你係其中一個就成功入院隊喇
田徑隊係無練習嘅(除非要練接力)
不過本身係校隊嘅人會跟返校隊練習
你哋可以自己去夏鼎基跑下步 著埋釘鞋都得嘅
G. Exchange
shaw有d書通係暑sem讀係可以去外國交流之類
似一個短期exchange
去新加坡個幾禮拜都係3千幾
仲計你take左一個書通 算係唔錯
1 sem/1 year exchange就真係唔多清楚
都算易EXCHANGE既
GPA唔過3 又無考IELTS
都可以有NON ASIA既OFFER
傳聞做過重要POST
會有HIGHER priority
和聲書院 Lee Woo Sing College (WS)
http://www.ws.cuhk.edu.hk/?lang=zh-tw
A. 地理位置
就係UC後面，係UC搭架lift就落到去
喺士林路旁邊，iHouse block 1&2 上面，
搭校巴3號同4號喺陳宿站落，相對地比較僻，不過比三十九區已經方便好多
地理位置方便度，同UC相近（不過差少少），同shaw差唔多（算係比shaw好少少
）
內裏有土地問題
校舍設施
校舍設施
B. Assembly、書通、STOT、FYPAssembly 一sem一次
書通就一年一個2cred既 個人認為唔chur
冇stot冇fyp
書通據聞極頹，岩哂各位頹友。
C. 宿
2棟出入要拍卡，被指好似監控宿生
南宿成日打蛇
上年因此而鬧出聯署風波，不過書院態度強硬，班學生又頹 結果抗議不了了之，和聲終成為<<美麗新世界>>
住得太近既都會冇宿
每間房有獨立雪櫃
D. 船
好似好少船而且係細船
E. 活動
high table dinner
ehh.......其他真係唔多覺有
F. 院隊
假如要我比個理由入和聲，呢個係我唯一諗到嘅理由
G. Exchange
當然入之前一定要.....
https://www.facebook.com/video/video.php?v=10150443380259348
http://v.youku.com/v_show/id_XMzA2NTY4MDcy.html
4間餐廳都有八折卡（超正，好味）有 movenpick 雪榚
晨興書院 Morningside College (MC)
http://www.morningside.cuhk.edu.hk/zh/
MC係新書院，書院主打多exchange students
個人覺得 書院自由度極大做咩都得
1/3人係本地生 1/3 人係國際生 1/3人係內地生
不過果1/3 本地生都有啲係International School學生, ABC黎
溝通語言為 英文 》普通話
為必宿共饍書院，想入既話要填1st/2nd choice(基本上只收1st choice)，仲要interview
都幾難入
A. 地理位置
Morningside係SHHO後面, 五旬節會堂低座(五低)隔籬
係CC同本部之間，都算方便
係火車站慢慢行上去，十分鐘就到
新教學樓, YIA AIT 果啲都係隔離, 好近
B. Assembly、書通、STOT、FYP
Morningside 係無assembly既
書通就有2個
一個係GEMC1001(3credit) - Current dilemma and its history
就一定要freshman year既sem1讀
主要係教你點用d 道德原理 去做決定 要學阿里士多德 康德 Bentham(邊沁) 嘅理論
而每星期有reading 有tutor (2小時) 用英文去討論一些道德倫理問題
另一個書通係 GEMC3001
咁佢係一個服務型式嘅FYP
佢會要求你做4X小時社會服務
而大部份人都會選擇service trip 型式去做呢個fyp
咁出發前要交個PLAN 去approve 你個trip
番來要寫文 同埋年年唔同嘅present
而呢個FYP 係你幾時take都可以 你都可以first year做埋
而呢個coruse 最特別係 你做完哂d嘢
咁你就可以響下一個sem reg 個course
所以如果要plan 好某sem 爆credit嘅要小心
stot 就無嘅
不過yr1 完果陣 dean of student
會搵你見一見面傾下你成績活動 書院生活
另外都會有一次同院長 食tea 傾計
C. 食&宿
晨興係全宿共饍, 每逄234既夜晚七點都有共饍
d嘢就講到明唔好食 唔好有太大期望 食唔死你已經好好
星期3 果日就會好餸d 有其他國家食品 同埋間唔中有talk聽
而出席率係會影響你年底簡明年房個次序(出席率太低就揀都無得揀)
最晨興最大優點係比毒拎 可以足不出門
搭lift 落地下canteen 買嘢 拎番房食 絕對係走堂之選
全宿就包你一定有宿 晨興有分高座低座
d房全部2人房 (d床比shaw 厚幾倍 好訓過屋企)
裝修幾好喇 好新
咁呢度d位分配就好"唔公平" 就係高form揀房先喇
所以fresh man 入來果年係得番d 向山房
不過之後讀上去就自然有大房 海景房
仲有晨興基本上從不打蛇 飲酒打麻雀都無人理
咁如果你住落唔想住嘅 你可以quit 宿 拎走哂d嘢
但係你都係要比足4年宿費同共饍費 (咁做好無謂，照住好過)
宿舍入面無宿生會 得學生會 咁學生會同時會搞活動
而院方最想大家自己搞 寫個建議書直接問college 拎錢搞
試過有人搞個哲學研討會 D錢就拎黎買酒飲
設施
2間琴房
1間band 房 (設備比shaw 好n倍)
1個tv room
極大pantry
無人jam嘢嘅雪櫃(啲野食可以放到過期都無人食)
D. 船 & Financial aid
由於本人低gpa 所以係唔太清楚
記得有admission 船 3個5**或以上入就有
書院有Top-Up Scholarship
如果你有Full Scholarship from CUHK, 書院就會免埋你宿饍費
有mc contribution 船 對書院有貢獻就有
gpa 船 <--好似個個拎都3.5以上(呢度好多神人 都有d難拎)
同埋exchange 船(都係睇GPA)
Finanacial Aid
除左政府同U既資助 書院都有
你屋企突然有咩事都可以同Ofiice 講 俾個Financial Aid 你
因為晨興細 依啲申請比較易同快批
E. 活動
ocamp 係強制性參加
今年有連新書院盃
上年同前年有個連shho 活動
下年點 無人知
F. 院隊
基本上想入就入到 入左會有請教練train下(好似係)
晨興最出名就係艇隊 幾勁下
G. Exchange
http://www.morningside.cuhk.edu.hk/index.php/student-life/exchange-programs/
自己睇 咁基本上 好似有apply 都有
H.特色
細 好細 細到你會識到大半個College 既人
所以我地都OK Close
啲鬼佬/ABC成日飲酒 有時會一齊落LKF
咁你肯講英文 都好易埋到班鬼佬堆 佢地好少話自我隔離
班NDS都好正 有啲係摺啲 不過大部分都幾OUTGOING 仲要讀書好
大約就係咁
善衡書院 S.H. Ho College (SHHO)
http://www.shho.cuhk.edu.hk/?lang=zh-TW
SHHO同MC同期，都係必宿書院，意指當你一旦加入善衡，你既係書院成員，亦成為宿生。理論上無得唔住，實際上善衡有唔少隱形份子，一頭半個月先返黎住一晚──當然，宿費係要預先比定的。）
善衡另一個特點係「共膳」。共膳即係逢星期二、三、四，成個college既人（書院職員、教授、院長、院長夫人不定時都會出席）一齊食晚飯。共膳好唔好就見仁見智。首先，共膳每餐三十元正（來年好似會加兩、三蚊），同宿費一樣，開學果時已經要預繳。第二，共膳時間係晚黑７點至８點，好多時同傾莊、莊活動撞到應一應；如果你係補習天王天后，經常穿梭各區春風化雨，咁即係意味著你會同好多餐dining無緣了。第三，共膳既質素，相信哩樣野係好多人最關注既野－－究竟我果三十蚊用得值唔值呢？平心而論，善衡共膳質素係ｏｋ的，五餸一湯一甜品，十人一圍，每一餐就好似一次組聚咁。當然，有時美心（共膳地點係由美心承辦既善衡can）會整埋d頹野，好似肉絲炒大豆芽咁。
但從另一個角度睇，你會發現，有人煮埋比你食，而且餐餐有綠色既蔬菜，係幾咁幸福既事！（無論從排毒抑或維持身體機能觀之，都係好重要！）第四，善衡有一個頗值得推廣既習慣－－留飯。承上所講，有時真係去唔到dining，但可以叫大o mate或者朋友幫你留飯，食果時先翻叮。而共膳難免造成廚餘既問題，但好多善衡人等到大家食到咁上下，或者其他人離席後，就拎個飯盒出黎裝低剩餘既飯菜，作為第二日既午餐。如果你入到善衡，千祈唔好以裝飯盒為恥啊！地球靠晒你架啦！
而善衡同晨興、敬文一樣，會有常規既high table dinner（高桌晚宴），所謂常規，即係指善衡既同學要盡量出席high table dinner（上學期三次起碼要去兩次，下學期四次起碼要去三次），如果缺席率太高而又無預先向書院申請，就唔可以畢業書院（即係畢業證書會有未能畢業於善衡書院的字眼）。雖然high table dinner係必須出席，但善衡人一直都好期待
。因為high table dinner既menu通常係西餐，比平日豐富好多好多，一樣係３０蚊。至於high table dinner期間既演講好唔好聽，就要睇來賓同個人愛好了 （曾經黎過黃仁龍、林超英）。 另外，入善衡必須interview，而且係第一、第二志願先有機會in。interview既內容可以話好廣泛，並可以話好騎呢，據同屆的善衡既朋友所講，佢條面試題目係問：如果有外星人降落善衡，你會點做？（大概）如果想入善衡，真係要好好準備啦！（唔好話唔比貼士：面試當日要注意自己一言一行！）
A. 地理位置
亦都係CC既五低隔離
地處中大黃金地段，上本部同落火車站都係咫尺之間（十至十五分鐘路程），又有一半開揚既吐露港海景，樓下係運動場，後欄又有Morningside，除左係火車站搭校巴番宿會比人詛咒之外簡直係婆娑樹影人傑地靈！
B. Assembly、書通、STOT、FYP
首先，善衡係無Assembly既。
其次，書通有兩次，分別響year1同year4讀。
year1既書通比較頹，有冇意思、啟唔啟發到你就因人（個人以及老師）而異。
主要分三部分。（一）上堂：一句講晒，進階版個人成長課。堂上會探討我的夢想、我的職業、我的大學生涯等等。（二）露營：所有year1學生必須去為期兩日一夜既露營，自己同組員執柴生火起帳幕，玩下mass game，思考一下人生咁。（三）製作期：所有書通學生要分成一組組，之後係限期之前整一個product出黎，無論drama、廣播劇、模型、報刊雜誌，所有有形或無形既野，乜都得。製作期期間唔洗再上堂，但要自行開會構思、買材料落手落腳去做。
而year4既書通未讀過，大概類近其他書院既FYP。
書院會搞outward bound既活動比學生
C. 宿及hall life
有宿生會 好似幾多活動
最特別係!!!!!!!!!!!!!!!!!!!!!!!!!
男女男女咁分層 唔係 上面女下面男咁分
呢個重點! 其他宿都無(好似係)
學生會都好勁，夠獨立
D. 船
捐款人(何善衡既仔)係個醫生
所以medic人入去係特別多船既
特別一提 medic有一隻五十萬既大船
分五年派錢 名額只有一位
E. 活動
近年SHHO因為身份問題而立志要做新書院之首，誓要同四舊爭天下，所以宿生會非常落力推動新書院宿舍舉辦聯宿比賽，想同CC傅盃睇齊，就
H.特色
(夠哂膠)(資料來源 shho secret)
圍內人都幾firm
新書院之首(自稱)
伍宜孫書院Wu Yee Sun College (WYS)
http://www.wys.cuhk.edu.hk/?lang=zh
半宿書院，即係一半人有宿，伍宜孫基金捐既(我知thanks for sharing)
伍宜孫係邊個?永隆銀行創辦人是也。
書院精神係 創新志業 博學篤行，英文係go green be creative
換言之幾green幾creative下(個人感想)
係有班成日自稱523既學生膠膠地，不過佢地都有D人幾勁既
A. 地理位置
係shaw上面D，即係夾係和聲同shaw之間，以前大學賓館既位
背靠十一苑面向吐露港，不過可能要同shaw爭校巴，係UC NA同本部上堂既話都算方便
B. Assembly、書通、STOT、FYP
Assembly:
簡單D黎講，assembly就係開學禮加閉學禮
相比起其他書院都算輕鬆
不過唔好咁快開心住，書院都有樣野叫forum
college forum一般都係請D社會知名人士返黎講talk
上年就請過陳健民、陳智思、鍾尚志
一個sem有三個比你揀, reg其中一個去就得
當然你有興趣嘅話可以reg兩個或者去晒三個都得
仲有我幻聽聽到有把聲話今年起會有high table dinner
書通:
暫時冇得揀, 全部人都係讀同一個書通
(除非你唔識聽廣東話就去shaw上書通啦)
一個yr1讀嘅, GEYS1010 叫social responsibility and entrepreneurial spirit
入面分4個部份, 第一部份係政治哲學(周保松教，如無意外佢會係第一堂向你地sell書)
第二部份係社會學(院長教，幾貼時事既)
第三部份係Econ(鄺啟新教，中學Econ野多)
第四部份係psycho(DOS李雅言教.........份essay幾好幾好
btw你想玩書院野既話會係咁撞到佢
) 上佢第一堂同佢講「It is so much fun you know !」包你書通A(好似係)
但都係各個範疇嘅皮毛野黎, 唔會好難
冇考試, 淨係要交兩份ESSAY(四揀二)
另一個係yr4先做既GEYS4010 FYP(冇計，院長係崇基前院長)
書院開左一年你唔會問我有冇人讀過掛?
C. 宿及hall life
書院一共提供600個宿位
計宿分就係計 屋企番中大本部嘅時間 同 屋企嘅人均面積
屋企番中大愈耐(請使用萬惡既google map)/屋企愈細(但呢個你住板間房先有分)就愈高分
當然, 玩學生會/宿生會/ocamp oc有宿分加
宿舍新靚?
六面有四面望到海景，Pantry 有露台，有兩個Common Room
另外唔住宿既都有廿四小時開放既走讀生舍堂(伍宜孫走堂)
learning common 同creativity lab，gallery+中庭
海景cafe+gym房 - 原本既副校長宿舍(即係西班牙賓館)
仲有我又幻聽聽到有把聲話，CC can中左canteen既標，canteen會有宵食
D. 船
除左學業方面嘅船，仲有其他方面嘅船
有D係藝術方面，有D係社會服務方面
有學生服務(呢個係完全冇準則，睇下上sem就知)
有個叫sunny award既野比你創業搞project
呢D船就要自己apply同要interview
E. 活動
幾多活動，書院黎講上年搞過比較頹皮既院慶、wine tasting(有人醉到不省人事), toastmaster, 觀鳥、書法(有靳棣強黎教)、好玩既夜遊(半夜行街行tour)、飯聚、搞talk搞好多野
書院屬下既有music department, sports department,speech team 同creativity lab (仲有個green team就.....算吧喇)
music department就玩music(比較神秘唔清楚，但係裡面有唔少勁人e.g. Winson Lai)上年想搞singcon但係比書院ban左
sports department就主責院隊同埋一D小活動(上年搞過師生盃、woodball workshop同埋scuba diving workshop
有個叫speech team既team，顧名思義係同speech and debate有關既。除左有workshop有得參加出面比賽之外，仲可以做書院活動既MC添。
Creativity Lab呢，係個幾特別又幾重要既一個莊，由書院一班professor同不明來歷既同學組成，而佢地又話自己唔係莊喎。簡單D講，就係一班乜都識d既人做好多佢地想試既活動。根據學生報報道，C lab將來會係一個實體既房，比你去實驗創意。暫時書院就未起好，所以一切都係project base既。上年佢地協辦過TEDxCUHK，佈置走讀生舍堂同其他唔同既小玩意。聽佢地大家姐Nicolle Liu講，將來CLab會有個網頁比所有伍宜孫既人用。
伍宜孫有佢自己既學生報，名叫sunzine ，有傳統印刷亦有係new media範疇涉獵，係份相當強勢既學生報。假如你想試下做編輯，又或者係個偽文青想投下稿過癮既，就記得去佢地既傾莊喇~
至於伍宜孫既SU就.....。
F. 院隊
冇乜話點突出。只可以話中大書院有既team伍宜孫都有，中大書院冇既team伍宜孫都唔會有。標榜既成績? 有既，足球隊對新亞輸18比0囉。
反而係呢度玩院隊有個好處，就係暫時黎講個書院仲係少人，你肯練既邊個院隊都會收你。
同埋書院會係唔同方面支援你。You’ll never walk alone
G. Exchange
自己睇網頁啦冇咩特別
http://www.wys.cuhk.edu.hk/index.php/zh/student-life/exchange-programmes
不過其實今年報exchange既人唔多，唔係個個exchange都收到application
特別係D去歐洲出名大學既programme。
你以為正?睇清楚先，好多都有language requirement咖
同埋書院亦有一堆服務團同交流團，帶院生去唔同地方例如西安四川甚至緬甸交流同服務。呢D團feedback都好好，想入既話可以一戰。
書院有個叫寰宇學術探究計劃既野，即係如果你想去一個有意義既學術旅程，書院可以撥D錢資助你。正所謂讀萬卷書不如行萬里路，今年分別有人去左西藏同北韓遊歷。
個人感想
雖然o係唔少523人眼中間書院得”頹”一個字，但玩下D書院活動你就會慢慢識到班幾玩得既人，佢地都好有heart既。
其實書院既staff都幾好人，而且好多野都肯放手同比資源比學生試
畢竟間書院計落係第二多錢個間，而好多professor都係由其他書院過檔過黎(院長係前崇基院長)，相對地對點樣搞一間書院更熟悉，亦都比好多自由。
即使冇擺佢係頭都覺得自己好彩入左呢間書院
如果想頹或者想追隨某種書院傳統既話，入左伍宜孫你就會覺得佢乜都冇；但如果你想玩下書院野，創立下新文化，又想要D家的感覺，又想要多D自由既，我相信呢度會o岩你既
敬文書院 C.W. Chu College (CW)
http://www.cwchu.cuhk.edu.hk/?lang=zh-tw
（敬文酒店）
多NON LOCAL
師生共治，書院出世時已經係近乎難產，首先個donor捐左一半就冇錢捐埋，第二原本master planning CW係會坐落係和聲同伍宜孫之間，但個處實在太斜起唔到樓，結果要搬去39區對面
A. 地理位置
就真係遠（詳見地圖） 整個學校最偏僻的書院了！那裡人跡罕至，冷風颼颼。
搭校巴有著數
好似有捷徑
B. Assembly、書通、STOT、FYP
冇 Assembly，STOT
書通
- 第一年修讀的書院通識教育課程（GECW1010 大學與社會）涵蓋不同主題，同學將就這些主題作討論和辯論，並從課堂中學習如何表達及闡釋個人理念。
- 第四年修讀的書院通識教育課程（GECW4010 專題討論）鼓勵來自不同學系的同學組成小組，作專題研習，各小組需撰寫報告及分享其研習成果。
C. 宿
302 個位，起緊第二期
全宿共膳，食住都比左錢先，食就包你星期二三四既晚餐，係franklin，請自求多福
享受與世隔絕既世外桃源
D. 船
窮。 書院每年將可提供約60個為數港幣10,000元的獎學金。
2017至2018年度，敬文書院將設25個入學獎學金。若同學獲得學院、學系或課程提名；入學成績優良並/或在其他方面（如運動、音樂、藝術、社會服務，領導才能等）有傑出表現，將有機會獲得上述獎學金。
除上述25個入學獎學金外，敬文書院為高年級學生另設立獎學金。此外，書院亦已設立為數港幣50,000元的創意獎學金，每年評選一次，以鼓勵同學積極創新。
為照顧同學的實際需要，書院亦會設立助學金以資助同學部分的住宿及膳食費用。
詳情請參閱書院網頁獎學金及助學金。
E. 活動
F. 院隊
ER 摺
G. Exchange 少
學術交流處安排交流活動，全校名額超過700個。書院另有交換生計劃，2019—20年度名額至少二十個，供院生到海外學府作為期一學期的交流。
如欲了解更多交換生計劃的詳情，請參閱書院相關網頁。
只係想講揀college比你想像中影響大好向左走向右走多
揀錯可能真係後悔一世
所以真係要諗清楚自己性格 揀個啱自己嘅
無論你最尾揀邊個college 入邊個college都好
祝各位入到中大嘅freshmen係未來幾年有個開心無悔嘅ulife
Halo~我想問下如果住hall可唔可以自己揀同邊個住？我有個friend大我一年，如果咁好彩前後一齊入到中大又同一個書院會唔會可以同房or住隔離咁？🙏🙏
回覆刪除善衡 F、G part 唔見咗(?)
回覆刪除